الخميس, 02 يناير 2020 01:51 مساءً 0 619 0
قائد المحاولة الانقلابية عام 1994م على الإنقاذ يكشف لـ (أخبار اليوم) تفاصيل المحاولة من الألف للياء
قائد المحاولة الانقلابية عام 1994م على الإنقاذ يكشف  لـ (أخبار اليوم) تفاصيل المحاولة من الألف للياء

الشيخ : أنا أصلا (جزار لحمة في أبو حمامة ) جندت الضباط والجنود للانقلاب على البشير لرفع التهميش

حوار/ حافظ الخير
فى العام 1994 كانت المحاولة الانقلابية الثانية على حكم الرئيس المخلوع عمر البشير بعد ان فشلت المحاولة الاولى وهذه المحاولة  قادها جزار فى ابو حمامة تجند فى قوات السلام بقيادة التوم النور دلدوم الجنوبي الاصل والذى انفصلت قواته مع انفصال جنوب السودان بطل هذه المحاولة هى الشيخ عباس محمد عوض وهو من مواليد الخرطوم حي السجانة وكان يعمل في جزار فى سوق ابو حمامة  لديه محلات جزارة هناك لتجارة لحوم قائد المحاولة الشيخ جلسة الى اخبار اليوم وحكى تفاصيل المحاولة من الالف للياء فالى المضابط

 البداية
 يقول الشيخ انه بدأ عمله فى التجارة  في العام 1986م ويضيف : قبلها كنت في ولاية الجزيرة وقبلها كنت في رفاعة مع اهل زوجتي وعندما كنت فى ابو حمامة بشترى السكر من  عساكر المدرعات كانوا بجيبو لي كوتاتهم بتاعة السكر وكان محلى  فى موقع مطعم « توب استوب « الحالى وفى ويوم انا قاعد فكرت اشتغل بيع مخفض للمواطن لاقيت عثمان السيد كان نائب الواء التوم النور دلدوم قائد قوات السلام شرحت له فكرتي قام دخلني في قوات السلام برتبة رائد بديت اعمال مدير للمؤسسة الاقتصادية لقوات السلام لمساعدة العساكر المصابين في الجنوب يمنحوا مصاريف من هذه المؤسسة بعدها قعد افكر ان الناس ديل منافقين البيان لاول للبشير قال ما عندهم علاقة بالاخوان المسلمين طلعوا هم الجلد والرأس بعدها شفت في ناس جيدين في العمل احالوهم للصالح الام قلت لو الواحد اخذ عساكر  وضباط وقلوبها ومسكوا فترة انتقالية عامين ثم تتكون الاحزاب تشكل حكومة مدنية في العام 1994م قمت مشيت لعثمان السيد لترفيعي لرتبة العقيد وجمعت العساكر الذين يحضرون لي الكسر عزلت منهم ضباط صف رقباء ومساعد ووروني الضباط الكويسين اختاروا منهم احمد سيد احمد قائد الكتيبة 212 مدرعة وهو برتبة المقدم قمنا اشركنا معنا استاذ صلاح مدير مدرسة العباس ليساهم معنا بطباعة الورق ودخل معنا في اجتماعات بعد جمعنا الناس مشينا لنقيب في الامن اسمه بكري مصطفي من أولاد الجريف شرق فصل من الأمن وه من اقرباء ناس أبو قرون جاب لينا قائدهم ضرار وداعة الله وهو عقيد مسئول عن التفتيش الاداري في جهاز الامن تحدثنا معه وهو بطريقته جند ضباط من القيادة العامة كان عملنا في سرية كاملة ناس بحري قسمناهم على 3 مجموعات بحري ، امدرمان ، الخرطوم كل مجموعة بتكون شغالة منفصلة عن الثانية.. انا بس الذي تعرفني كل المجموعات نجتمع في منزل ضرار واجتماع اخر في حدائق المقرن واجتماع ثالث في امدرمان أمبدة ومرة اجتمعنا بمنزلي في الكلاكلة اكتملت عدد الضباط بمشاورتي ومشاورة ضرار كما اكتمل عدد ضباط الصف بقيادة صول من المدرعات ورقيب حامد شقا ورقيب النور إدريس وحسن حماد وهم مع صف الضباط.
*دافع الانقلاب :
كان دافعنا هو رفع التهميش عن المواطنين والقضاء على المحسوبية يا انت اسلامي او مهمش اتصلنا برقيب يدعي الصيني هو حكمدار دبابات الكبري حصلت ليه مشكلة مع ابراهيم شمس الدين شارك معنا وحضر اجتماعاتنا بديت الف على الولايات لتأمينها وضرار زار تفتيش الهجانة واتضح ان بينهم لصوص تأخر الزمن بتاع ساعة الصفر معنا واحد قريب ضرار هو من اوشي بنا لنافع على نافع.
*طريقة القبض :
جوني في دكاني في ابو حمامة واعتقلوني والضباط عاقبوهم بالايقاف من الخدمة واعفاء صالح عام انا وحامد شقا وصلاح اعتقلوا اعتقلني حسن لقمان نقيب في جهاز الأمن في مثلث.
*دخلونا التحري:
بعدها دخلونا للتحري تحري معي اسامة ويسن عربي وعاصم كباشي ومنها نقلونا الي الأمن الايجابي بعربة بوكس دبل كابينة ومن هناك قالوا لي نوديك تشوف اولادك ودوني الأمن الايجابي تحرك معي عاصم  كان رائد وهو اداة تعذيب للحكومة»  حسن « و» اسامة «  بيت عوض ابو زيد هو بيت الاشباح الذي اخذونا ليهو في بيت عوض أبوزيد دخلونا حراسات وكانت اجتماعات مجلس الامن وفضوا بيت الاشباح حولنا سجن كوبر .
*ما حصل في بيت الأشباح
دخلونا حراسة غرفة واحد ونصف في متر وضعونا في البرد بدون غطاء يرشوا البلاط بالموية الباردة وتسيل الموية في  بلاط في الزنزانة وأبواب سيخ تمرق واحدة تتسير وتجي راجع.
*طريقة التعذيب
بضربونا بسلك كهرباء في الظهر وودخلو راسي فى كيس شطة وقفلوه على راسى وكنت مكلبش قديت الكيس بلسانى عشان اتنفس وضربونى  بعصاية ، عندهم خارج بيت الأشباح وقفونا في نجيلة مليانة موية ونحن مكلبشين (3) ساعات والموية باردة الكلام ده فى شهر يناير وكان  برد فظيع وعثمان أبو راس كان في الحراسات الجنوبية زحفوه في حوض خرصانة ساخنة هو راجل كبير ودونا سجن كوبر وعندما وجدوا مضايقات من حقوق الانسان حولونا سجن كوبر ما دخلونا بالبوابة الرئيسية كسروا لينا فتحة قصاد الجيش دخلونا بيها الي سجن كوبر وتقع غرب المشنقة عذبونا في الاكل والشرب وحبوب العلاج كان في نقيب سجون بيعمل لتعذيب الناس معنا (4) افراد أمن الناس قالوا لمدير السجن ده شرطة ليه تخلي ناس الأمن يدخلوا فيه في السجن محامين ودكاترة تحدثوا جاء ناس منظمة اسلامية عالمية زيارة للسجن تم اخفاء السجناء المعذبين قاموا سألونا عن التعذيب قلت ليهم عذبونا ومحل الجلد في الظهر السكري عندي ارتفع وماطلعت من العنبر قلت ليهو بدا ينظف اخذت نومة صحوني اربعة افراد قالوا لي قوم البس لبست بنطلون وقميص واخذت الفرشة والمعجون قلت مودني حراسة ودوني مكاتب الأمن في القيادة دخلوني في حراسة جديدة غير مكتملة قفلوني فيها ومنها نقلوني الي العمارة بتاعة الامن في القيادة جاء حسن ضحوي خاشي قال لي (يا تعيس تقول عذبونا) طلعوني لحسن ضحوي جاني ابو ود عمي احمد شاور قلت ما في تعذيب قال لي حسن ضحوي انت بقيت واجهة شتغل معنا وتمدنا بالمعلومات قلت ليهو لو عايزكم كت عملت العملتو ده ضحوي قال لو دعمي ابن عمك د هراسو قوي دخلوني مكتب وكتبوني تعهد بضمانة احمد شاور واخذني الي منزلي.
بدأت عملي الخاص بعت المنزل بتاعي بديت اعمل في البيع المخفض (9) مليون انتهت كانت لتمويل الانقلاب وبعت منزلي بـ (9) مليون اشتغلت بيها في البيع المخفض نحن لما خططنا للانقلاب يكون فترة عامين والاحزاب تكون نفسها وتعمل انتخابات نزيهة وتجي المدنية والجيش يرجع ثكناته والآن نحن نوصي قيادات الجيش والشرطة ان يحافظوا على الأمن ويمنعوا الانقلابات ومجلس الوزراء ربنا يقدروا يحل أزمة البلد ويرفع الخطر من البلد .
الشيء الذي كنت أنوي عمله في العام 1994م تحقق الآن .. اقول للثوار مبروك لنضالكم وجهادكم والشهداء ان شاء الله في جنات النعيم وربنا يعين اهلهم هم ضحوا من أجل السودان الوطن والشعب الف تحية.

 

سجل معنا أو سجل دخولك حتى تتمكن من تسجيل اعجابك بالخبر

محرر المحتوى

hala ali
كاتب فى صحيفة أخبار اليوم السودانية

شارك وارسل تعليق